Եթե հարցը վերաբերում է ձեր իրավունքների հնարավոր խախտմանը, դատարանին, պետական մարմնի որոշմանը, պարտքին, գույքին, ընտանիքին, ժառանգությանը, բիզնեսին կամ քրեական վարույթին, ցանկալի է հնարավորինս շուտ ստանալ իրավաբանական խորհրդատվություն։ Ժամանակին դիմելը հաճախ օգնում է կանխել խնդրի բարդացումը և պահպանել բողոքարկման կամ այլ իրավական գործողությունների համար նախատեսված ժամկետները։

Այո։ Նախնական գրանցումը հնարավորություն է տալիս խորհրդատվության համար հատկացնել բավարար ժամանակ և անհրաժեշտության դեպքում նախապես ուսումնասիրել ներկայացված փաստաթղթերը։

Իրավաբանական խորհրդատվության արժեքը սկսվում է 10․000 դրամից։ Վերջնական արժեքը որոշվում է՝ հաշվի առնելով հարցի բնույթը, բարդությունը, խորհրդատվության ձևաչափը, տևողությունը և փաստաթղթերի նախնական ուսումնասիրության անհրաժեշտությունը։ Խորհրդատվության արժեքը նախապես տեղեկացվում և համաձայնեցվում է դիմողի հետ։

Այո։ Խորհրդատվությունը կարող է անցկացվել տեսազանգով, հեռախոսով կամ այլ առցանց եղանակով՝ նախապես համաձայնեցված ժամին։ Անհրաժեշտ փաստաթղթերը կարող եք նախապես ուղարկել ուսումնասիրության համար։ Առանձին դեպքերում կարող է անհրաժեշտ լինել անձնական հանդիպում կամ փաստաթղթերի բնօրինակների ուսումնասիրություն։

Ցանկալի է ներկայացնել խնդրին առնչվող բոլոր փաստաթղթերը՝ պայմանագրեր, որոշումներ, ծանուցումներ, դատական ակտեր, նամակագրություն, վճարման ապացույցներ, լուսանկարներ, տեսանյութեր և այլ նյութեր։ Նույնիսկ առաջին հայացքից ոչ կարևոր թվացող փաստաթուղթը կարող է իրավական նշանակություն ունենալ։

Այո։ Փաստաթղթերը կարող եք նախապես ուղարկել գրասենյակ՝ առցանց եղանակով։ Դրանց ուսումնասիրությունը հնարավորություն կտա խորհրդատվության ընթացքում առավել հստակ ներկայացնել խնդրի իրավական գնահատականը և լուծման հնարավոր տարբերակները։

Այո։ Վստահորդի տրամադրած տեղեկությունները, փաստաթղթերը և խորհրդատվության բովանդակությունը պահպանվում են գաղտնի և պաշտպանվում են փաստաբանական գաղտնիքի կանոններով։

Ոչ։ Որևէ փաստաբան չի կարող երաշխավորել դատարանի, պետական մարմնի կամ վարույթն իրականացնող մարմնի վերջնական որոշումը։ Մենք գնահատում ենք գործի հեռանկարները, ներկայացնում հնարավոր ռիսկերը և իրականացնում օրենքով թույլատրելի անհրաժեշտ գործողությունները վստահորդի իրավունքների պաշտպանության համար։

Ծառայության արժեքը որոշվում է՝ հաշվի առնելով գործի բնույթը, բարդությունը, փաստաթղթերի ծավալը, անհրաժեշտ գործողությունների քանակը, դատական փուլերը և աշխատանքի կանխատեսվող տևողությունը։ Վճարման պայմանները նախապես համաձայնեցվում են վստահորդի հետ։

Դա որոշվում է տվյալ ծառայության պայմաններից ելնելով և նախապես համաձայնեցվում է վստահորդի հետ։ Գործի ուսումնասիրությունից հետո ներկայացվում են աշխատանքի ծավալը, արժեքը և վճարման կարգը։

Ժամկետը կախված է գործի տեսակից, դատարանի կամ համապատասխան մարմնի ծանրաբեռնվածությունից, փորձաքննությունների, լրացուցիչ փաստաթղթերի կամ այլ գործողությունների անհրաժեշտությունից։ Նախնական ուսումնասիրությունից հետո կարող ենք ներկայացնել գործի ընթացքի մոտավոր պատկերը, սակայն հստակ ժամկետ երաշխավորել հնարավոր չէ։

Շատ դեպքերում՝ այո, եթե փաստաբանի լիազորությունները պատշաճ ձևակերպված են։ Այնուամենայնիվ, կարող են լինել դատական նիստեր, հարցաքննություններ կամ այլ գործողություններ, որոնց ընթացքում վստահորդի անձնական ներկայությունն անհրաժեշտ է։

Գործի բնույթից կախված՝ կարող է անհրաժեշտ լինել հասարակ գրավոր կամ նոտարական կարգով վավերացված լիազորագիր։ Խորհրդատվության ընթացքում կպարզաբանվի, թե տվյալ դեպքում ինչ ձևի և ինչ ծավալի լիազորագիր է անհրաժեշտ։

Վստահորդին տեղեկացնում ենք գործով կատարված գործողությունների, ստացված փաստաթղթերի, նշանակված նիստերի, կայացված որոշումների և հետագա քայլերի մասին՝ նախապես համաձայնեցված կապի միջոցով։

Ոչ։ Գրասենյակը իրավաբանական ծառայություններ է մատուցում Երևանում, Հայաստանի Հանրապետության մարզերում, իսկ առանձին դեպքերում՝ նաև ՀՀ սահմաններից դուրս։ Գործի բնույթից կախված՝ աշխատանքը կարող է իրականացվել առկա կամ հեռավար ձևաչափով, անհրաժեշտության դեպքում՝ նաև համապատասխան երկրի մասնագետների ներգրավմամբ։

Այո։ Նախ ուսումնասիրում ենք գործի նյութերը, նախկինում կատարված գործողությունները և պահպանված կամ բաց թողնված ժամկետները, որից հետո գնահատում ենք գործին ներգրավվելու հնարավորությունն ու անհրաժեշտ հետագա քայլերը։

Անհրաժեշտ է հնարավորինս շուտ դիմել փաստաբանի։ Որոշ դեպքերում հնարավոր է ներկայացնել ժամկետը վերականգնելու միջնորդություն կամ ընտրել իրավունքի պաշտպանության այլ միջոց։ Լուծումը կախված է ժամկետը բաց թողնելու պատճառներից և գործի փաստական հանգամանքներից։

Այո, եթե որոշմամբ, գործողությամբ կամ անգործությամբ խախտվել են ձեր իրավունքները կամ օրինական շահերը։ Բողոքարկումը կարող է իրականացվել վերադաս վարչական մարմնում կամ դատարանում՝ օրենքով սահմանված կարգով և ժամկետներում։

Ցանկալի է մինչև որևէ բացատրություն կամ ցուցմունք տալը խորհրդակցել փաստաբանի հետ։ Փաստաբանը կպարզաբանի ձեր դատավարական կարգավիճակը, իրավունքներն ու հնարավոր իրավական հետևանքները և անհրաժեշտության դեպքում կմասնակցի հարցաքննությանը կամ այլ դատավարական գործողությանը։

Այո։ Սակայն սնանկ ճանաչվելու համար անձը պարտադիր պետք է համապատասխանի օրենքով սահմանված պայմաններին։ Գրասենյակը նախապես ուսումնասիրում է անձի պարտավորությունները, գույքային վիճակը և ներկայացված փաստաթղթերը, գնահատում սնանկության հիմքերի առկայությունը, ապա կազմում ու ներկայացնում է անհրաժեշտ դիմումը և իրականացնում ներկայացուցչություն սնանկության վարույթի ընթացքում։

Այո։ Ուսումնասիրում ենք պարտքի հիմքերը, ներկայացված պահանջի հիմնավորվածությունը և ապացույցները, կազմում առարկություններ ու միջնորդություններ և ներկայացնում պարտապանի շահերը դատարանում։

Այո։ Գրասենյակը վարում է ամուսնալուծության, ալիմենտի, երեխայի բնակության վայրի և տեսակցության կարգի, ծնողական իրավունքների, ամուսինների համատեղ գույքի բաժանման, ժառանգության ընդունման, կտակի և ժառանգական այլ վեճերի վերաբերյալ գործեր։

Այո։ Վարում ենք սեփականության իրավունքի ճանաչման, գույքի բաժանման, բաժնեմասի առանձնացման, վաղեմության ուժով սեփականության ճանաչման, վտարման, օգտագործման կարգի, հողային և կադաստրային վեճերի վերաբերյալ գործեր։

Այո։ Կազմում, վերանայում և իրավական փորձաքննության ենք ենթարկում քաղաքացիական, առևտրային, աշխատանքային, վարձակալության, փոխառության, ծառայությունների մատուցման, համագործակցության և այլ պայմանագրեր, ինչպես նաև դիմումներ, բողոքներ, պահանջագրեր ու այլ իրավական փաստաթղթեր։

Այո։ Մատուցում ենք կորպորատիվ իրավական սպասարկում, կազմում և ստուգում ենք պայմանագրեր ու ներքին փաստաթղթեր, ներկայացնում կազմակերպությունների շահերը պետական մարմիններում և դատարաններում, ինչպես նաև աջակցում հարկային, աշխատանքային, պարտքերի բռնագանձման և այլ իրավական հարցերով։

Այո։ Գործի բնույթից կախված՝ հնարավոր է վարել բանակցություններ, ներկայացնել պահանջագիր, կնքել հաշտության համաձայնագիր կամ կիրառել վեճերի այլընտրանքային կարգավորման այլ եղանակներ։ Դատարան դիմելը միշտ չէ, որ խնդրի լուծման առաջին կամ միակ տարբերակն է։

Ոչ։ Կայքում ներկայացված են հիմնական և առավել տարածված ծառայությունները։ Յուրաքանչյուր հարցի առանձնահատկություններից ելնելով՝ գրասենյակը կարող է տրամադրել նաև այլ իրավաբանական ծառայություններ։